OLAC Record
oai:paradisec.org.au:KK1-0814

Metadata
Title:Dingla hte kasha masum (The old man and his three grandchildren)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), C. Nu Mai (speaker), 2017; Dingla hte kasha masum (The old man and his three grandchildren), MPEG/X-WAV, 2019-11-30. DOI: 10.4225/72/5989e50404b26
Contributor (compiler):Keita Kurabe
Contributor (depositor):Keita Kurabe
Contributor (speaker):C. Nu Mai
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-12
Date Created (W3CDTF):2017-02-12
Description:Moi shawng de da dingla langai mi gaw la kasha ma masum lu ai da. Dingla hte kasha masum a lam re ai ya hkai na maumwi a gabaw gaw moi shawng ye da dingla langai mi gaw kasha masum lu ai da. Dai kasha ni gaw la kasha hkrai re ma gam, ma naw, ma la rai ma ai da. Dai la ma masum hten gaw ma gam hte ma naw gaw kaji mi loi mi myit nau nsu ai da. Loi mi ram dum ai ma la wa gaw loi mi myitsu ai da. Dai she lani mi na aten hta gaw shan wa ni mali nga nna galaw lu galaw sha taw nga aten hta kawa gaw grai machyi wa ai da. Grai machyi wa na she shan nau ni kade gawn lajang na tsi tsi tim mung nmai hkraw ai da. Nmai hkraw re she masha ni gaw tsun ai da. E sara langai hpang langai langai hpang langai madung yang she htaw bum de lwi ai tsi hka wa la jaw mung shaloi gaw na wa mai wa na re dai tsi hka wa du jaw u ngu tsun ai da. Wa la jaw mu ngu na tsun ai da. Dai she masha ni dai hku tsun ai shaloi shan nau ni masum gaw bawng ban sai da. Bawng ban re she shan nau ni masum gaw ma naw yan ma la gaw Ah ba nang gaw kahpu kaba re ah ba nang shawng sa su lung yu su sa su dai ah wa na tsi hka wa la yu su ngu yang she mai ai nga shawng sa ga ngu na she hkam la sai da. Hkam la na she tsi hka sa ja na matu shi gaw shani shat makai gun re nna gumra hte sa mat wa ai da. Sa mat wa re na she lam kaw shi gaw sha ni ga-ang re ai shaloi gaw lam kaw hkring na shani shat sha sai da. Shani shat sha hpyan sha na hkyeng nga yang hpyang da sai da. Dai shaloi she dingla langai mi sa wa ai da. Dingla langai mi sa wa na shu ye nang na shat jidwi hpe ma kaji mi jaw sha rit lo jiwi grai kawsi ai law ngu tsun ai da. Tsun yang she dai ma gam wa gaw shi gaw matsan dum ai myit nau nrawng ai re nga she hpa baw dingla mung ngai pi naw kaji sha gun ai ngai sha na pi naw nlaw nga nang hpe hpa di jaw sha na ma njaw sha njaw sha ngu na oh wa su ngu na gau kau dat ai da. Njaw sha ai shi hkrai sha zawt zawt sha la na she dai kaw sha ngut yang gumra ntsa kaw lung na shi gaw bai hkawm mat wa yang she e dingla dai gaw Dai ma gam wa gumra jawng hkawm wa ai hte kalang ta hpyit hpyit ngu na she lata de dum dat ai hte she lahpyaw di zawn dum dat ai hte bum masum gaw sit sit sit re sa wa na ma gam hpe pat kau ai da. Dai na shi gaw dai kaw na gara de nlu pru re na dai kaw pit mat sai da. Pit mat re she grai na sai da. Ma gam pru mat wa grai na yang mung bai nwa sai da. Nwa jang she ma naw yan ma la gaw grai la jing re na she ma la wa madaw she bawk e nang bai sa yu su ba n wa hkraw ai ba hpa byin mat sai kun ngu na nang bai sa yu ngu she kaja wa kahpu manaw bai sa sai da. Ma naw mung dai kahpu ba na zawn zawn sha shani sha matep gun re na bai sa mat wa na dai kahpu ba wa sha ai shara kaw sha shi gaw shat bai wa hpyang sha sai da. Wa hpyang sha nga yang mung dai dingla bai sa wa sai da. E shu e nang na shat dwila hpe kaji mi jaw sha rit dwi la ma grai kawsi taw ai le ngu yang she n jaw ai njaw ai mi shawng na kahpu tsun ai hte mareng da dingla mung ngai sha na pi nlaw taw nga yang ngai pi yaw pi naw matut hkawm ra nga yang Ngai pi shat makai ndai sha lawm ai njaw sha lu ai na hpe ngaran jaw lu ai ngu yang she kaja mung shi mung shi hkrai zawt zawt sha la na she dai kahpu na zawn zawn sha da shi mung sha ngut jang dingla hpe hpa aye nla ai sha sa ngut jang shi gaw bai hkawm mat sai. Gumra ntsa ra re na she hkawm wa yang she mi shawng na kahpu hpe di ai zawn sha da dingla dai mung hpyit hpyit di dak ai hte bum masum bai shi hpe hkrap di na pat kau ai da. Ma naw mung dai kaw pat rawng mat sai da. Kahpu bawk hpe bai la kawa gaw machyi she machyi taw nga yang she kahpu bawk hpe bai la jing re na she ma la wa gaw um nbyin sai ndai ba yan bawk gaw hpa byin mat sai kun ngai bai sa na wa ngai bai naw hkan sa yu na yaw wa wa nang naw sharang nna nga taw u ngai lu hkra ja wa na dai tsi hka ja wa na yaw wa ngu na kawa hpe htek kau da. Htingbu htingpyen ni hpe wa hpe loi mi yu ya rit ngu htek kau da she ma la wa bai sa mat wa sai da. Ma la wa mung mi na zawn kahpu yan zawn sha gumra hte shani shat matep gun re na sa wa yang she lam kaw Du re ai shaloi she dai kahpu ba yan kahpu bawk sa sha ai shara kaw sha du ai shaloi she shani shat wa hpyan sha sai da. Wa hpyan sha re ai shaloi she dai dingla wa gaw kahpu yan hpe sa tsun ai zawn sha bai sa tsun sai da. Shu e nang na shat dwila hpe kaji mi jaw sha rit dwila grai kawsi ai ngu yang she oh dwila mai ai mai ai garang sha ga dwila ngai kaw ndai ram lawm ai ga-an hkup hkup sha ga dwila mai ai mai ai ngu na shi gaw ga-ang hkup garang jaw ai da. Dingla wa hpe ga-ang hkup garang jaw ai shaloi she shat dai sha la na dingla wa gaw ma dai hpe san ai da. Ya nang gara de sa maw ai rai shu ngu yang she ngai nye wa grai hkum npyaw taw ai law dwila e dai nan de tsi hka nga ai da. Tsi hka dai sa la na ngu na dai lu yang wa mai wa na re ai da. Dai majaw ngai dai de sa ai re ngu tsun yang she dingla wa gaw tsun ai da. Dai hku nga yang gaw nang nan kaw na dai hku sa mat wa u sa mat wa jang sa mat wa jang nang shara langai kaw du na ra ai ngu tsun ai da. Rai tim dai hkawhkam wa gaw grai nhkru ai re lu dai kaw Nang shi kaw nang ahkan sa hpyi ra na re shi hkraw yang she nang mai la na re ai da ngu tsun ai da. Dai shaloi she kaja wa ma la mung mai ai ngu na rai tim nang kaw ngai bai sa wa na yaw ngu mai ai ngu she ma la dai gaw bai sa mat wa dai kaw na dingla dai hte hka nna sa mat wa re ai shaloi she hkawhkam nga ai shara kaw bai du ai da. Hkawhkam langai nga shara kaw du re she hkawhkam wa gaw san ai da. Ya nang hpa sa galaw ai rai ngu she ngai nye wa grai hkum npyaw ai majaw nan kaw na tsi hka ja la na ngu sa ai re ngu tsun yang she dai hku nga yang gaw nang ngai tsun ai galaw u ngai tsun ai galaw ra yang gaw nang hpe ngai dai tsi hka gaw njaw dat lu ai ngu she hpa baw galaw na wa rai ngu she htawra bum mu ai i ngai jahpawt jan pru ai hte jan dai nye na ndai waranda kaw kalang ta hkra ai ngai ra ai rai tim mung bum oh ra shinggan ai majaw ngai kaw ndai jan pru ai hte ngai kaw ndai kaw jan nhkra hkra re ai nang dai bum dai wa htu gyin kau nang bum dai wa htu gyin kau lu jang she ngai nang hpe dai tsi hka ja la na Ahkan jaw na re ngu she ma la wa gaw grai myit htum mat sai da. Dang nga re bum gaw nye wa mung machyi she machyi taw nga yang gaw ngai gaw gara hku wa lu htu na kade ya htu yang she bum dai gaw ngai htu gyin shangut ai re mu nchye ai wa ngu grai myit daw nna rai tim mung shi gaw sa wa sai da. Shan hkawp langai hpai nna sa mat wa re she shi grai myitru taw nga yang she mi na dingla wa shi kaw sa wa ai da. Shu e nang hpa hkum myitru ngai tsun ai hku galaw u ngu tsun ai da. Mai ai dwila dwila nang tsun ai hku ngai galaw na ngu nang ya bum dai hpe nang shan hkawp hte loi mi htu achyek kau u achyek kau na nang dai na dai bum pawt kaw shan hkawp hpe nang ndai hku tawn da nna bum hkum hkum na yup u ngu tsun ai da. Dai shaloi she mai ai dwila nang tsun ai hku ngai galaw na re ngu na kaja wa dai shana gaw dai bum kaw she shi na shan hkawp hte htu achyek sai da. Htu achyek achyek di na she loi mi htu achyek malu da na she shana dai hku dingla wa tsun ai hku shan hkawp hpe dai hku achyek tawn da nna Shan hkawp hkring lang kaw bum hkum hkum na yup ai da. Bum hkum hkum na yup pyaw mat wa re she jahpawt wa she shi dum wa yang shi myi mang kaw jan grai ja hkra taw na dat ai hte shi dum wa na myi hpaw dat yang dai bum wa yawng hkra wa gyin taw nga ai le i bum dai mi na bum nrai mat ai da. Hkawhkam wa a waranda kaw ma jan wa kalang ta hkra mat jang she hkawhkam wa gaw tsun ai da. Nang gara hku htu kau dat ai ta bum ndai hpe rai tim ma la wa gaw hkawhkam wa mung shi tsun dat ai hte mareng ma la wa htu ai nhtu ai wa mi shi ntsen ai rai tim shi ra ai hku byin taw sai nga sa ja la su ngu na tsun ai da. Shaloi she ma la wa gaw tsi hka hpe shi gun sa bu hte tsi hka hpe ja la re na bai nhtang wa ai shaloi dingla wa gaw shi hpe tsun ai da. Shi dai dingla wa hte bai hkrum nna she shu e nang gaw myit kaja rawng ai myitsu ai masha re ai dai majaw nang hpe ngai garum ai re yaw nang na nhpu yan shawng ye sa ai maria lahkawng na nhpu n re i ngu re ai aw dai hku nre shi ai law ma la gaw ndai hku shawng tsun ai da. Dwila e nye shawng kaw nye ba hte hpu bawk ma sa mat sai wa dai yan hpa byin ai kun nchye ai ngu she dingla wa gaw tsun ai da. Na gaw myit kaja rawng ai na nhpu yan gaw nang hte nbung ai grai nkaja ma ai myit nsu ai ngai shan hpe shat hpyi sha ai shan ngai hpe shat n jaw sha ma ai dai majaw shan hpe ngai oh ra bum kaw nan mu ai nre ai oh ra bum kaw pit tawn da ai rai tim mung ya nang gaw grai myitsu nga ai dai majaw nang hpe ngai nhpu yan hpe shalawt dat ya na yaw ngu na she shi gaw lahpyaw zawn zawn hpyit hpyit nga dum dat ai hte dai bum ni ni ni ni di sit kau jang kahpu ma gam yan ma naw gaw pru wa ai mat ai da. Lu pru wa jang she kahpu ma gam yan ma naw ma la hpe mu jang she tsi hka dai ma la dai la wa mu jang she e kanau e nang she lu la sai nang ya an ba yan bawk gaw myit nsu ai majaw dai hku dai hku byin mat ai rai sai ya nang gaw grai byin sai ga re ai kanau e nang myit kaja rawng ai majaw rai sai ngu na dingla wa hpe mung chyeju dum ga tsun na shan nau ni gaw nta de wa nna ma la wa Ja wa ai tsi hka hpe kawa hpe wa jaw lu re na kawa mung mai mat re na shan wa ni grai pyaw mat ma ai da. Dai majaw masha ngu ai gaw myit kaja ai gaw rawng ra ai myit kaja rawng ai wa na matu gaw awng dan lam lu ai da. Maumwi gaw dai hteng rai sa. . Language as given: Jinghpaw
Format:Digitised: no Media: Audio
Identifier:KK1-0814
Identifier (URI):http://catalog.paradisec.org.au/repository/KK1/0814
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0814/KK1-0814-A.mp3
http://catalog.paradisec.org.au/repository/KK1/0814/KK1-0814-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0814
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); C. Nu Mai (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0814
Up-to-date as of: Sat Nov 30 15:04:53 EST 2019