OLAC Record oai:paradisec.org.au:KK1-1284

Metadata
Title:		Mang makoi shani na shabawn ai lam (The burial)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), D. Tu Ja (speaker), 2017. Mang makoi shani na shabawn ai lam (The burial). X-WAV/MPEG/XML. KK1-1284 at catalog.paradisec.org.au. https://dx.doi.org/10.4225/72/598b35c92cff5
Contributor (compiler):		Keita Kurabe
Contributor (depositor):		Keita Kurabe
Contributor (speaker):		D. Tu Ja
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-18
Date Created (W3CDTF):		2017-02-18
Description:		Transcription (Htu Bu) Ya ndai ya ngai hkai na maumwi gaw, ndai "Moi Mang Makoi Sha Na Lam" hte seng na rai na re. Ya hkai na maumwi gaw, moi.. da la langai mi Shu, Shu dun nna she, Shu hpaga ga sa wa ai da. A Shu hpaga ga sa wa yang she, le.. a num langai mi, da da ai kaw du ai da. Da da dung nga yang she, "E.. Hkri e.. ngai hka lu mayu ai law. Ngai hpe hka sha pyi du jaw rit le." nga. "E! ngai galoi n wa du jaw ai. Nang wa du lu u le. Ngai nang ya maka hta ra nga nngai. Maka hta ra ai majaw galoi, ndai da galoi n raw ai." ngu. "E, ngai nhku de hka shang lu jang gaw ndai nye Shu hpe U la wa sha kau ya na rai nga le." "E, sha kau ya jang wa mung, aw U la wa hpe rim la u le i." bai ngu sai da. Rai yang gaw, "Kaja wa re." ngu. Kaja wa Shu dai mung npan kaw dun tawn yang she, shi nhku kaw shang dung nga yang she U la wa ret mu. "Yu le e, Hkri e.. ya mi ngai tsun sai le nang hpe." ngu yang she kaja wa "Aw dai U la wa rim la u." bai ngu. A U dai wa gun nna she, kaja wa rim la nshe bai rai mat wa sai da. Le.. rai mat wa yang she, rai mat wa rai yang she, ndai Ri Nang dingla ngu ai si ai, si ai nta kaw shang manam sai da. Dai kaw bai shang manam yang she, "Daina e.. ndai nanhte mang ndai nye U la wa hpe sha kau ya na kun law.. Npan de dun tawn ai law. Nanhte ndai nye U la wa hpe, sin ya mi law." ngu yang, rai yang she, "E! na U la wa mi n sha law. Nang nye na, anhte a anhte a mang wa mi na U la wa hpe wa a sha kau ya yang chyau, oh nang hpe mang ya kau na rai nga le." ngu yang she, aw ra kadai mung n kam sin. Kadai mung n kam zaw zang sai da. Dai shi a U la wa hpe wa sat nna she makoi kau nshe U mun gaw htaw si ai wa a n-gup kaw matsut tawn ya sai da, Ri Nang dingla wa. Hpang jahpawt rawt yang, "Yu mu le, nanhte hpe mana tsun sai ya, nye U la wa oh nanhte a mang sha kau ya sai." bai ngu. Shaloi she, "Oh, dai sha kau jang gaw, anhte gaw hpa n wa ai. Dai mang wa hpai mat wa u." ngu ai da. Shanhte gaw mang n kam hpai lup she n rai i. Kaja wa mang dai sha mayawn hpai mat wa sai da law. Hpai mat wa yang she le.. a Sam, Sam kahtawng kaw du yang she, Sam ni gaw wang kum na nga ai. Wang nhka lam makau kaw wa tawn yang she, "E, ndai kahtawng na jinghkku Sam ni e, daina gaw A Gwi dun ai ni gaw dun, A Wa rawng ai ni gaw rawng, A Nga dun ai ni gaw dun di u. Ngai ndai nye a A Ji, le, lup ba kaja tam ai re. Daina gaw jan du mat ndai wang nhka lam kaw, nhku de gaw bai n mai shawn ya re wang kata de gaw, ya ndai wang makau kaw na tawn na ngai." bai ngu ai da. Shaloi she, "Nanhte daina a Gwi yang dun u law. Nanhte nye a kaji sha kau ya jang gaw, nanhte wa ra na re law. A Gwi sha, A Nga, Wa, Gumra sha kau ya jang gaw, wa ra na re law." ngu na she bai tsun sai da. Kaja wa she yawng hpe a Gwi dun ai ni dun, Wa dun ai ni dun, Nga dun ai ni gaw dun di mu law ngu tsun yang she, shana she yawng.. yup zim jang she, shi a kaji dwi a mang hpe gaw wu shat, namlaw namlap ni wa dan tawn ya rai, mare ting na Wa wa hkan hpaw kau, a Nga wa hkan hpaw kau. Rai nshe, a Gwi gaw n dun sam mu gaw, rai yang gaw, jahpawt rawt yu yang gaw, a Nga ni dai namlap sha ai ni gaw sha aw, a Gwi, a Wa ni gaw amang dai wa ashep sha nshe yawng ashep alap di kau ya sai da shi hpe she, "E.. ya nanhte mung, ya nye kaji hpe mi a sha kau ya ai gaw ya ngai nanhte, ya daini gaw, oh a Nga ni da kabye kaya re re oh wa ra sai." nga jang she aw ra ni gaw, a Nga mung gyit ya dat, a Wa mung rim ya dat, a U mung rim ya dat rai yang gaw, a Gwi gaw n dun ya sam ai gaw sumbaw sumpau ngan rai wa sai da. Wa yang she, nta wa yang mi she htaw.. a lam kaw she punghkaw langai mi gran da law, dai, mi shi hpai ai Ri Nang dingla dai wa, moi mang tai ai hku re hku rai ri nga. Dai punghkaw wa gran taw mat jang she a Nga ni mung gara hku dun shaloi tim Nga mung n hkawm hkaw mat sai da. Rai yang gaw hka, kaning mi di tim n mai mat. Rai jang she, a Nga mung kade gang yu tim n mai mat. Shaloi she a Nga wa ga shaga wa ai hku rai ri nga. "Daini gaw ngai hpe makoi mayang ra ai. Ndai jahpu Nga ndai hte, a Nga ndai ni hte, htingga ndai hte yawng ngai hpe makoi ra ai." ngu jang she dai wa gaw dai kaw, dai punghkaw dai wa she moi mang tai nna she, mang dai makoi sha ra sai da. Dai shi dai kaw, Nga ni sat, dai kaw wa sat kau ai hku rai nga. Dai kaw wa makoi, Wa ni sat N'nawng galaw ya ra ai nga yang, dai N'nawng gaw gara hku na galaw na rai i nga. Rai yang gaw, N'nawng gaw ndai Nga baw yu na, N'nawng baw galaw ngu ai da. Dai kaw na shaga wa ai hku rai nga. "Rai yang, N'ja gaw gara hku galaw na rai?" "Ndai Nga lagaw mali tu ai de kawa shadaw mali jung na galaw." ngu ai hku re da. Rai yang she, "Shaloi jang gaw, rai yang, kabung gaw gara hku dum na rai rang?" ngu, kabung mung dum ya nga ai hku rai nga. Nga shaga Nga kaw shaga san hkrai san wa yang she, "Le, hka tu ai de hka sahpoi yu nna kabung dum u." bai ngu ai da. Rai yang gaw dai kaw dai nga jang she, "Dai hku wa galaw!" ngu ai da. Wa galaw na rai jang gaw, dai kaw wa galaw jang she punghkaw dai wa gaw moi mang tai ai punghkaw dai wa yen ya ai da. Yen nna she shi gaw, nta kaw wa dai Nga shaga tsun ai dai kaw tsun ai hte hkrak nta kaw dai kaji Ri Nang dingla hpe wa makoi sha ai da. Dai majaw daini dai labau maumwi labau dai gawn ra ai hku rai nga. Ndai gumgai dingla makoi sha ai shani. Dan rai makoi mayang hpang wa ai re da, anhte Wunpawng amyu sha ni. . Language as given: Jinghpaw
Format:		Digitised: no Media: Audio
Identifier:		KK1-1284
Identifier (URI):		http://catalog.paradisec.org.au/repository/KK1/1284
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/1284/KK1-1284-A.wav
		http://catalog.paradisec.org.au/repository/KK1/1284/KK1-1284-A.mp3
		http://catalog.paradisec.org.au/repository/KK1/1284/KK1-1284-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1284
DateStamp:		2021-05-30
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); D. Tu Ja (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia