OLAC Record oai:paradisec.org.au:KK1-2161

Metadata
Title:		Gam jaw gam ya chye ai la (Lucky man)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Laga Kai Ja Aung (speaker), 2017. Gam jaw gam ya chye ai la (Lucky man). X-WAV/MPEG/XML. KK1-2161 at catalog.paradisec.org.au. https://dx.doi.org/10.26278/5fa175c88dacc
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Laga Kai Ja Aung
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-04-13
Date Created (W3CDTF):		2017-04-13
Description:		Transcription (Htu Bu) Ya ngai bai hkai na maumwi gaw "Gam Jaw Gam Ya Chye Ai" nga ga baw re. Moi shawng e da, kahtawng langai mi kaw she da, lu su ai la langai mi nga ai da. Sahte kaba langai mi nga ai da. Dai sahte kaba kaw she da, bungli galaw, n'chyang chyang ai la langai mi ma nga ai da. Dai la langai mi hpe ma shi saw da na, nga ai da. Nga nga, nga re shaloi she, dai la wa gaw da, grai maji ai da. Grai maji manang ni hpe ma n kam garan jaw ai da. Shi lu ai ni hpe, shi na shi dai hku nga taw re shaloi she, shi na nta wang pyi naw galoi chyinghka n hpaw ai da. Shi hpe karum hpyi na re shi, dan re ni hkrit ai majaw da, shi gaw, galoi mung nta chyinghka n hpaw, nta chyinghka la tawn da na, Dai hku rai na sha nga ai da. Nga re shaloi she, da, lani mi na ten she, da, dai kaw she, shanhte mare kaw na mare salang she shanhte kaw karum sa hpyi ai da. Dai kaw karum na matu, ngu na she alu sa hpyi ai da. Dai hku sa hpyi ai shaloi she da, dai lauban wa gaw, "Ngai kaw nanhte hpe karum na Gumhpraw n nga ai da. Ngai kaw Gumhpraw shajan n nga ai. Nanhte hpe n lu karum ai." ngu dai hku ngu tsun ai da. Dai hku tsun ai shaloi she, Shi woi nga da ai la kasha wa gaw, da, "Yi, da, nanhte hpe ngai karum dat na, da. Ngai kaw, i, Ngai na shata shabrai ni, ngai na, Ja, Gumhpraw, i, chyi mi, mahkawng da ai nga ai da. Ngai na matu, karum dat na yaw." ngu tsun ai da. Dai hku ngu tsun na, shi gaw dai karum dat ai da, shi na, Ja, Gumhpraw dai hpe shi na shata shabrai hpe karum dat di na she, alu bang dat ai da. Bang dat re shaloi she da, dai, oh, dai alu sa hta ai la ni ma grai myit pyaw ai da. Grai myit pyaw na wa mat ai da. Wa mat na she, dai lauban wa gaw da shi gaw, "Nang, hpe ngai shata shabrai jaw ai nang yawng karum kau ai. Nang ndai shata, hpa n jai sha yang n jai sha ngai gaw kaga jaw na Ja, Gumhpraw ngai kaw n nga sai. Nang hpe n jaw sai. Nang lu ai yawng jaw kau sai majaw nang n sha ai nga u." ngu tsun ai da. Dai shaloi, dai shi na mayam ma wa gaw, "Mai ai. Ngai, n sha ai tim lu nga ai. Ngai kalang lang sha alu bang ai. Ngai hta hpa n byin wa ai." ngu shi dai hku ngu tsun ai da. Dai shi na lauban i, bungli madu wa gaw shi hpe pawt na wang, pru wa ai shaloi, wang shinggan kaw, dingzi maina dap taw ai hpun pyen nga ai shi n mu ai da. Nau pawt, pawt let pru wa ai re nga yang shi gaw dai maina kaw lagaw wa kabye ju la ai da. Wa kabye Ju la re shaloi, dai shani kaw na shi dai, lagaw dai, maina anyaw la ai hkang wa katsut machyi na da shi gaw yupra kaw taw mat ai da. N lu rawt hkra, machyi mat ai majaw shi gaw yupra kaw taw nga re shaloi she, shi gaw machyi kaba hkrum wa sai da. Machyi kaba hkrum, shi gaw myit n malai ai da. Dai hku shi manang ni hpe gam jaw gam ya ma kachyi ma n rawng ai da. Ngai na i, shi na Ja, Gumhpraw shi na shi sha madu ai da. Dai hku nga re shaloi, grai machyi sawng ai shaloi, lani mi na ten hta, shi gaw si mat wa ai da. Si mat wa na, shi gaw dai shi si mat wa ai shaloi kaw na shi gaw kashu kasha ma lu, n lu ai re, madu jan ma n lu ai majaw da, shi na sut gan ni hpe gaw shi i, shi hpe sin ai dai la sha wa sha lu la mat ai da. Lu la na, Dai la kasha wa gaw nga re shaloi she, dai shi gaw i, lauban wa na aya e dai hkang kaw bai galai ai majaw shi ma i, dai sut gan ni hpe lu mat ai majaw shi dai shi na dai kaw shara kaw nga taw re shaloi, shi gaw da, shi dai lu mat ai re majaw shi manang ni hpe ma gam jaw gam ya ma grai galaw sai da dai, mare kaw machyi masha ni hpe karum shi gaw, grai karum na nga re shaloi shi gaw, lani mi na ten hta shi dai hku dai hku dingla na si mat wa tim da, shi gaw grai myit dik myit pyaw ai hte si mat wa ai da. Si mat wa na she, myit dik myit pyaw hte si mat wa ai re nga yang gaw da, shi gaw da, si mat wa ai shaloi tim, shi myit pyaw i, myit pyaw ai majaw da, shi gaw da, sumsing mung, sumsing mungdan du mat wa i, dai kaw lu du mat wa ai da. angwi apyaw hte sha i, shi gaw manang ni hpe gam jaw gam ya ai i, myit hpraw san, hpraw tsawm ai majaw da, shi gaw, angwi apyaw hte sha, dai de i, du mat wa ai da. . Language as given: Jinghpaw
Format:		Digitised: no Media: Audio
Identifier:		KK1-2161
Identifier (URI):		http://catalog.paradisec.org.au/repository/KK1/2161
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2161/KK1-2161-A.wav
		http://catalog.paradisec.org.au/repository/KK1/2161/KK1-2161-A.mp3
		http://catalog.paradisec.org.au/repository/KK1/2161/KK1-2161-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2161
DateStamp:		2021-02-01
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Laga Kai Ja Aung (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia