OLAC Record oai:paradisec.org.au:KK1-2178

Metadata
Title:		Jahtung nat (Cruel terrestrial spirit)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Tsiyu Ja Ra (speaker), 2017. Jahtung nat (Cruel terrestrial spirit). X-WAV/MPEG/XML. KK1-2178 at catalog.paradisec.org.au. https://dx.doi.org/10.26278/5fa17610c0ea4
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Tsiyu Ja Ra
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-04-13
Date Created (W3CDTF):		2017-04-13
Description:		Transcription (Htu Bu) Maumwi ga baw gaw "Jahtung Nat Byin Mat Ai Lam" hpe e tsun dan na re. Moi shawng de, hpaga la lahkawng gaw, hpaga arau jawm ga ai re da. La langai mi wa gaw myit n kaja ai wa da. Shan lahkawng hkrun lam hkawm ai, bungli galaw ai grai na, arau jawm galaw ai grai na wa ai shaloi gaw, manang la wa ntsa hta e, n hkru n kaja myit myit wa ai da. Dai la hpe sat kau na shi hkrai sha, dai hpaga hpe e atsawm akawm galaw na matu shi gaw, myit wa ai da. Shan lahkawng yan jawm galaw yang gaw amyat mung lu na daram n lu ai ngu hpe shi myit dum wa majaw shan lahkawng gaw, kadai, dai la langai mi gaw dai shi a manang la wa hpe shi sat mayu ai da. Dan rai na, masha n nga ai, masha kadai mung, masha hte e, kahtawng hte, masha hte tsan ai shara, lam langai mi kaw du ai shaloi gaw, dai la, kaja ai la wa hpe gaw shi shawng de shahkawm ai da. "Hkau e, nang shawng shawng u." ngu tsun ai da. "Shawng shawng u." ngu tsun na she, shi gaw, hpan kaw hkan nang ai. Hpang kaw hkan nang rai na she, shi kade kade n na ai kaw du mat wa, kade n tsan ai shara kaw du mat wa ai shaloi gaw, Dai la wa, shawng na la wa hpe shi, shi gun ai N'hte hte kahtam sat kau ai da. Du hpe kahtam di kau dat ya ai shaloi gaw, teng sha di mat na si mat sai da. La wa gaw dai hku taw mat re shaloi gaw, La de baw gaw hkrung taw nga na hku rai nga. "Hkau e, ngai hpe hkum kau da. Ngai hpe naw woi wa rit. Nye nta masha ni hpe, ngai nye nta masha ni hte grai hkrum mayu ai. Ngai hpe hkum kau da." ngu na she shi gaw, hkan shachyut nang ai da. La dai mung grai hprawng ai da. Raitim mung, shi dep na she, baw re nga yang gaw shi gaw chyai nang na she, dai la wa a du. Shi hpe kahtam sat kau ai la wa na du kaw shi kalang ta wa kawa noi ai da. Kawa noi ai shaloi gaw gara hku na abawk na dai la wa hpe "Yu nga ta u." ngu tsun tim, "Ngai nang hpe sat ai n re." ngu kade masu tim mung la dai gaw, "Umu, ngai nta du hkra hkan she hkan nang na. Ngai hkrai n lu hkawm ai." ngu na, "Ngai, ngai lagaw n tu mat sai gaw, ya ngai baw sha rai mat sai. Dai majaw, nang, ngai hpe woi wa rit." ngu na, "Nang kaw jawn na wa na." ngu na she, Hkan noi nang tik tik re da. Kawa noi tik tik re. Dai shaloi gaw shi nta de du wa ai da. Dai lam ni hpe masha ni, kaga ni chye na ma shi grai hkrit ai da. Dai majaw shi gaw, a katsi ngu na madu jan hte sha bawng na she, shi gaw dai baw dai hpe shi, lu shamat kau na matu, lu, bai lu matut sat kau na matu shi gaw ladat shaw ai da. Dai shaloi gaw madu jan hpe, hpun lum di shadu, shadu da shangun ai da. Hka hpun lum grai prut brawng brawng re hpun lum shadu da shangun na she, "E, hkau e, nang hpe ngai, hka shin ya na yaw. Nang hpe ngai grai tsawra ai. An hkau mi, mi na manang she re gaw. Nang hpe ngai dai zawn rai baw sha rai mat tim, ngai nang hpe, grai tsawra ai. Dai majaw gaw nang hpe hka shin ya na yaw." ngu na tsun na she, shayu la ai da. Dai shaloi gaw dai la, baw wa mung, Dai kawa noi ai lam hpe jahkring, tat kau na she, atsawm sha nga taw ai da. Dai shaloi gaw, dai la wa gaw kalang ta shi hpe dai hpun lum di kaw kabai bang kau dat ai da. Kabai bang kau dat ai shaloi gaw, brawng she rai, prut nga ai hpun lum kaw e shi, "Ahte law! Ahte law!" nga di na she pru mat wa ai da. Pru mat wa nga mi na zawn du kaw bai kawa noi ai da. "Hkau e, nang gaw ngai hpe, sat mayu ai she rai nga." ngu na shi hpe dai hku bai kalang bai kawa noi ai da. Shi baw gaw dai hpun lum di kau bai malu mat re nga yang gaw grau matsat shabat rai na she, grau matsan na zawn byin mat sai da. Raitim la dai gaw kaning n chye di na she, hpang loi mi bai na ai shaloi gaw, "Hkau e, an lahkawng hkawm chyai ga i. Nang mung, ya gaw nang lagaw n tu mat sai re majaw nang hkrai hkawm na matu grai yak na sai. An lahkawng moi hkan e hkawm chyai chyai re shara de e, hkawm chyai yu ga." ngu na she shi gaw, nbung katsi ni shalawt hkawm gaw le." ngu na shi gaw woi hkawm mat wa ai da. Dan na she bum langai mi na npu kaw e, lungpu hku hku ai da. Dai kaw gaw Ga Gwi ni grai sawng ai hpe dai la wa gaw chye ai majaw dai de, dai baw hpe woi sa mat wa ai da. Dan na she, dai kaw du ai shaloi gaw, "Hkau e, ngai shinggan chyahkring mi naw pru na. Nang ndai shara kaw grai katsi pyaw ai. Ndai lungpu kaw nang chyahkring mi naw hkring u yaw." ngu na she, shi hpe shayu kau da na dai la wa gaw hprawng mat wa ai da. Dai shaloi gaw, masha sing manam sai re nga yang she, dai n'pu, dai hku kaw na, lungpu kata kaw na Gwi, Ga Gwi ni gaw pru wa na she, dai baw hpe yawng wa kawa kau ai da. Kawa ashin kau na she, dai baw dai mung kalang bai taleng nang mat wa na she, Dai, Ga Gwi ni kaw na kalang bai lawt mat wa na, bai taleng nang mat wa na, dai la de du kaw sha kalang bai wa kawa ai da. Dai shaloi gaw, hpang kalang gaw shi gaw, bai ladat bai shaw sai da. Ndai hku mung, ndai hku sat tim n si yang, ngai gara hku bai sat na i? ngu na she shi gaw, Dumsi hku de bai woi sa sai da. Dumsi sa htu sha ga, ngu na, Dumsi hku kaw bai du ai shaloi gaw, shayu la na she kalang ta dai Dumsi hku de kanawng bang ai da. Dumsi wa mung shi hpe, shi a ju ni hte yawng gap dinghkren kau ma ai da. Grau matsat nan rai mat sai da. Raitim shi mung dai dumsi hku kaw na kalang bai pru wa na she dai la de du kaw sha kalang bai wa kawa ai da. Kalang bai kawa na kalang bai noi ai shaloi gaw, hpang jahtum e gaw kaning n chye di na she, Dai la wa gaw, dai la wa gaw, madu jan hte shan lahkawng bai bang ban jahkrup la rai na she, hka shi langai mi kaw e, ndai hkran, oh ra hkawn, shan lahkawng, madu jan gaw shawng shani kaw na nlung din grai law hkra nlung bau, lung din lung bau ni, sa tawn da ai da. Sa sumpum da, ndai hkran, oh ra hkawn di, hka ndai hkran, oh ra hkran di na sumpum da na she, Singgoi galaw ai da. Hka kaw Singgoi galaw na she, Hkum pup mung grai nya na hku rai nga. Dai kaw she, hka shi dai kaw, dai Singgoi galaw na she, Dai la wa hpe hpang shani gaw, Singgoi yawng jin ai hpang gaw, Dai la wa hpe, dai du kaw noi ai dai yan lahkawng hpe wa shaga la sai da. "E, nan hkau, grai lagawn na re, Singgoi, hka kaw Singgoi, masha ni Singgoi galaw da ai dai kaw sa jawn ga le." ngu ai da. Dan na she, madu jan gaw, shi lung din lung bau ni sa hta ai, ngu jang she, mare kaw na shi, shi hte e jinghku daw ai shi a kahpu kanau ni hpe woi na she, Singgoi dai hka kaw Singgoi sa galaw kau da rai na she, hpang e gaw dai la, dai hte e, madu wa hte dai baw hpe she, wa shaga la ai da. Dan na she, madu wa hte shan lahkawng hpe e, Dai kaw Singgoi kaw loi mi woi jawn malu na she, "A hkau, nang hkrai bai jawn u yaw. An lahkawng grai pyaw hkra, kanawng ya na." ngu na tsun ai da. Dai shaloi gaw, "An lahkawng grai pyaw hkra, nang hpe e Singgoi kawat ya na. Ndai hkran, oh ra hkran nga na kawat ya na." ngu tsun ai da. Dai shaloi gaw, "Mai ai le." ngu na she, dai baw dai mung dai Singgoi kaw kalang bai yu hkrat kap sai da. Yu hkrat na bai wa kap ai shaloi gaw, yu hkrat na dai Singgoi kaw bai wa rawng ai shaloi gaw, dai yan lahkawng gaw, nnan e gaw gau ngwi ngwi sha rai na dai hku kawat ai da. Raitim hpang kalang gaw aja wa kawat dat na, dai baw gaw ga de hkrat mat wa ai da. Ga de hkrat mat ai hte shan lahkawng gaw, madu jan maga de hkinggau de pru yang madu jan nlung hte kabai, madu wa maga hkinggau de sa wa yang madu wa nlung hte kabai na, agying shan lahkawng gaw dai hku rai na kabai hkrai kabai, jawm kabai ai shaloi gaw, dai baw kaw hkra ai da. Hkra mat wa magang kaji magang, hkra magang kaji, shan ni yawng ye mat wa na, hpang e baw dai kachyi sha law law mat ai da. Shinggyin ram sha law mat ai shaloi gaw, madu wa gaw ga de shang na, dai baw hpe, jang a dep ga na le, hkum pup kaw e kabye bang kau da ai da. Dai kaw na shan lahkawng wa mat ai da. Dai kaw na gaw dai shana de gaw dai, baw dai gaw n pru wa mat sai da. Raitim, shana, shana gaw shagawng rai sai da, dai shana. Shana tup dai hka hkawng kaw e puk ai da. "Woo. Woo.." nga na puk, lawu de yu wa, lahta de yu wa rai na dai hku puk ginghkrang ai da. Dai kaw na dai zawn re na, "Woo, Woo" nga na nam kaw e puk ai baw rai dan re hkrit ai baw Jahtung nga mat ai re da. . Language as given: Jinghpaw
Format:		Digitised: no Media: Audio
Identifier:		KK1-2178
Identifier (URI):		http://catalog.paradisec.org.au/repository/KK1/2178
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2178/KK1-2178-A.wav
		http://catalog.paradisec.org.au/repository/KK1/2178/KK1-2178-A.mp3
		http://catalog.paradisec.org.au/repository/KK1/2178/KK1-2178-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2178
DateStamp:		2021-02-01
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Tsiyu Ja Ra (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia