OLAC Record: Bum nga sat nga sa (Life in the mountain)

OLAC Record
oai:paradisec.org.au:KK2-0137

Metadata

Title: Bum nga sat nga sa (Life in the mountain)

Access Rights: Open (subject to agreeing to PDSC access conditions)

Bibliographic Citation: Keita Kurabe (collector), Keita Kurabe (depositor), Hpau Gyi Naw (speaker), 2019. Bum nga sat nga sa (Life in the mountain). X-WAV/MPEG/XML. KK2-0137 at catalog.paradisec.org.au. https://dx.doi.org/10.26278/5fa2c780d700f

Contributor (compiler): Keita Kurabe

Contributor (depositor): Keita Kurabe

Contributor (speaker): Hpau Gyi Naw

Coverage (Box): northlimit=27.331; southlimit=23.137; westlimit=95.335; eastlimit=98.498

Coverage (ISO3166): MM

Date (W3CDTF): 2019-12-28

Date Created (W3CDTF): 2019-12-28

Description: Transcription (La Ring) Rai yang gaw ya gaw dai hku ya nai mam hpun kawa hte seng nna mung dai ram nga jang gaw ji dwi ashe sai le. Rai yang gaw ya anhte Jinghpaw amyu ni e nga sat nga sa lam i dai kaw na loimi tsun dan na le. Anhte Jinghpaw ni gaw Jinghpaw ngu ai gaw htaw nkau mi tsun yang gaw jum hpaw ai shara kaw nga nna nga ai. Nre ai anhte Jinghpaw ngu gaw hpa majaw nga jang jum ngu ai gaw shum ai i jum ngu gaw shum ai. Shum ai re majaw gaw anhte Jinghpaw ni gaw grai shara shagu kaw myit su ai myit gawp ai gara nau ra nrawng ai lam nga ai. E jum zawn shum ai le i dai re ai majaw dai jum hpaw ai shara kaw na zawn anhte Jinghpaw ni gaw dai hku nga mayat maya hkrat wa ai. Dai majaw Jinghpaw ngu ai re nga ma ai. Raitim mung ndai Jinghpaw ngu ai gaw Wunpawng Jinghpaw ya gaw Wunpawng Jinghpaw nga ai ya. Anhte jum zawn zawn yawng grai yawng kadai kaw mung shum ai yawng pyaw ai yawng kadai hte mung mai kanawn ai. Kaning re ai wa hte mung mai kanawn ai dai majaw anhte gaw jum zawn shum ai amyu ni jum zawn hpraw ai amyu ni re majaw Jinghpaw ngu nna tsun ai re ai lachyum gaw madung gaw dai hku re ai. Anhte Jinghpaw nga ai ya she "Jing Hpaw" bai nga dai gaw Myen ni laika ka ai hta hkan nna Jing Hpaw bai nga wa ai re. Kaja nga yang hkrak nga yang gaw Jinghpaw re anhte Jinghpaw amyu ni. Anhte Jinghpaw amyu ni gaw htaw bum chyaring chyarang ga hkan e nga chye ai layang ga de nau nnga ai anhte Jinghpaw ni gaw. Bum tsaw ai shara de nga ai nta dum nta gap tim anhte gaw ya she taik-pu nga ai gap nga ai layang ga du yang she moi anhte Jinghpaw ni gaw bum ga nga ai Jinghpaw ni gaw nta ma tsaw tsaw gap ai. Nga shara mung bum tsaw tsaw re de nga ai rai na nga sat nga sa mung tsaw ai. Myit masin mung madang tsaw tsaw e dai hku nga ai amyu ni re ai da. Mi kaw nna dai hku yu hkrat wa ai amyu ni re. Bum ntsa de hpabaw hkailu hkaisha galaw ai kun? E anhte Jinghpaw ni hkailu hkaisha ai gaw bum ga de rai yang gaw ndai shagyi ya ngu ai ni nga ai Myen ni e gaw lu-sat nga ai le i. E hkainu n-gawng dai pyaung-hpu nga ai le i dai ni hkai sha ai. Rai yang htaw bum ga hkan e gaw ndai e ndai shi na shi hkrai tu ai mi kaw na tu ai hpun kawa ni kaw na hpun si dai ni hkai sha ai, nai ni hkai sha ai. Nai mung amyu myu nga ai nai hpaw law nai tung law nga amyu myu dan re ni hkailu hkai sha na e hkainu ni hkai sha ai mam ni hkai sha ai e shagyi ya ni hkai sha rai na dai hku e dai ni hkai yi hkyen, yi hkyen na dai kaw shagyi ya ni hkai rai na sha ai e dai zawn rai galaw sha ai. Amyu myu galaw sha ai ndai wulai nga ai wulai hpun hkan e wulai ni nu sha ai um e sumbwi nga ai ni nga ai. E sumbwi ni mung krau sha ai anhte Jinghpaw ni gaw dai hku rai na nga lai wa ai rai nga. Mi moi de gaw anhte ya na zawn rai na ndai wan hkret ni mung ya na zawn rai nnga ai. Anhte htaw Jinghpaw bum ga de gaw dai wulai hpun kaw wulai nba ngu ai mu zawn san ai i ndai ngu ai nga ai nba ngu ai nga ai. Dai nba kaw wulai nba dai hpe la, la nna she hpri hkyep hte nlung hkyep hpe dai hku "Hkret hkret chyet chyet" di nna rai jang wan tu pru wa ai le. E dai wan pru wa ai dai hpe she wulai nba kaw hte rau yep di na ahkret jang dai kaw wan kap ai wulai nba kaw. E dai hpe ning ning ning di na nbung lawt daw galaw jang shi hkrai wan pru wa ai i. Wan pru wa ai dai shaloi wut ai. Rai na kawa tawng shada dai hku i kanyet nna wan pru wa ai e wan pru wa rai jang dai hpe wan dai hku wut la rai na nga wa ai nnan daw de gaw. Moi gaw wan hkret ngu ai nnga ai le um wan gaw dai hku shatu la. Shatu nna dai kaw nlung di galaw ai. Dai nlung di kaw shadu sha ai anhte Jinghpaw ni gaw e nlung di kaw shadu sha ai dai hku. Hpabaw shat mai ni shadu sha ai rai? E si shat mai yawng dai kaw nra ni hpa ni mung shan ni mung dai kaw shapyaw sha ai dai nlung di dai kaw e dai nlung hte galaw da ai di kaw. Um dai hku shadu sha ai. Bum ga kaw hpabaw dusat ni rem ai kun? Bum ga de gaw dusat gaw u rem ai wa rem ai rai na bainam rem ai. Rai na nga wuloi rem ai dumsu gaw nau nrem ai law malawng nga wuloi rem ai. Um dai hku rem lu rem sha ai u rem sha ai wa rem sha ai bainam rem ai um dai hku rem sha ai. Bum ga na nta gaw gara hku gap ai kun? Bum ga na nta gaw galu nga di na gap ai. Galu de pe kade ram rai na i nga yang pe lahkawng tsa jan pe masum tsa daram nga ai. Wan dap shi daram nga ai um wan dap nta gaw galu di na gap ai kaw dai kaw wan dap pyi naw shi nga ai. Shat shadu sha ai le i kahpu kanau yawng gaw dai nta langai kaw sha nga ai. Marai kade nga ai? Kahpu kanau ngu ai gaw yawng kade nga yang kade rai nga i. Ma Gam Ma Naw Ma La Ma Tu Ma Tang yawng um dai ni yawng dai nta kaw sha nga ai. Galu nga rai shadaw ngu ai gaw dawhpum ngu ai ndai hku bat yang lahkawng bat pyi n-ga ai i bat masum mali daram re. Lung-pat (nda de dam de) kade ram nga na i nga yang um dawhpum ngu ai gaw nta shadaw dawhpum ngu ai gaw lung-pat pe shi pe shi lahkawng daram nga ai. E dai hpe she ndai kawa hte rit la ai sumri hte dai hku daleik-done hte sharawt la nna gap ai. Dai shadaw dawhpum kaba dai kaw hput di jun nna dai htawra de gaw gau ngwi ngwi yat yat sha htaw nbang ngu ai de gaw kaji mat wa, ndai npan shadaw gaw dai dawhpum ngu ai dai hku gaw grai kaba ai. Dai kaw na gaw gau ngwi kaji kaji kaji di na du mat wa htaw pe lahkawng tsa masum tsa galu ai. Nang npan ngu ai kaw na yu dat yang htaw nbang chyinghka ngu ai mu yang kade ram wa lahkawng pren ram sha mu ai. Dan na e dan re kaw nga lai wa ai yawng dai hku gap ai. Nau nlu ai ni gaw dawhpum nau nkaba ai le i lu jin ngut ai ni gaw dawhpum kaba ba ngan re shadaw kaba ba dan rai na gap ai. Nta gap ndai shata kade na ai? Nta gap na matu gaw myit grai hkrum ai Jinghpaw ni gaw. Hpa majaw nga jang "Ngau sha kran da u" nga. Ngau kran da jang gaw lam makau kaw ngau sha hkra hkra di da jang gaw kadai mung kadai mung mare masha kadai mung kadai mung Ngai nta gap na nga jang ngai ngau sha kran da jang yawng jawm nna hpai wa ya ai. Hpai wa nna nta gap na shara kaw rung rung rung rung kadai gap tim dai hku jawm karum ai. Jawm karum nna gap la ai dai hku na bai yawng jawm gap ai. Ga saw ai nga le nta gap ga saw ai nga ga saw nna gap la ai. Kaba nga di na gap la ai nang gap na nga jang mung ngai mung dai hku sa dai hku karum na gap la ai. Nta gap karum ai masha ni hpe jaw sha ai i? Gap ai masha i e shat sha daw ai yawng "E daini gaw nye nta gap ga law" nga jang yawng mare masha yawng sa ai. Yawng nsa nna she dai kaw yawng lani mi raitim ngut ai e nta grai kaba dap shi nta nga yang me chyawm gaw lahkawng ya masum ya i dai hku gap. Na nta gap tim dai hku karum nye nta gap tim dai hku. Dai re majaw nta gap shabrai gaw njaw ra ai. Um shat sha jaw sha dat ai dai galaw ai shani i shat jaw sha ai. Lani mi sha i? Um lani mi nang gap yang mung dai hte maren yawng sa karum wo kadai gap tim yawng sa karum ai dai kaw. Hpun kawa mung dai lam kaw makau kaw sha kran tawn jang yawng hpai wa ya ai. Nang ngai yawng gara de na wa tim "E ndai wa a nta shadaw rai nga" ngu na hpai wa ya ai. Shi nta gap na shara kaw "Rung" nga kabai da ya "E ngai hpai wa ya ai re yaw" nga. Dai hku nta ngau ni hpai na matu "Ku Li" nsaw ra ai le dai hku galaw ai. Myit hkrum mang rum ai ngu gaw dai kaw re. Bum ga kaw hpabaw poi ni galaw ai rai? Poi ngu gaw moi Jinghpaw ni gaw nau nnga ai. Nat jaw poi ngu ai mi nga ai nat jaw poi ngu gaw nat hpe jaw ai le i dumsu nga sat jaw ai nat hpe hkungga nawng ai le. E nat jaw poi ngu ai ma nga ai rai na she ndai num wawn num la ai hkungran poi ngu baw rai nga ya na hku nga jang gaw moi na ni gaw num la ai nbang shalai ai poi nga i dai. Shalai wa ai poi ngu ai dai nga ai. Shalai wa ai poi ngu gaw la nnan wa a nta kaw kumbang hte kumbang jun da ai. Kumbang jun nna she dai kaw dai kumbang ka-ang kaw she ndai hpun pyen hpun tawng langai tawn ai. Dai tawn nna she dai kaw nna she wo mayu nta kaw na woi wa na dama nta de dai nat jaw na le i dai kumbang kaw ga lai wa nna she nta de shang wa ai. Dai gaw kumbang shalai ai nga ai. Um dai hku ga shalai ai. Dai gaw nat jaw ai re majaw nat hpe shanhte madun ai. Ya anhte hkristan prat kaw rai yang gaw Karai Kasang kaw kyu hpyi ga shaka la ai hpa rai nga le. Nat kaw dai hku jaw ra ai nat hpe jaw nna nat jaw na dai kumbang lai nna dai hku lai ra ai. Manau poi mung galaw ai i? Manau poi ngu ai gaw manau poi ngu ai mung nga ai. Dai ni gaw mayu maya masha ni nau ngalaw ai. Loimi du magam re ai ni e dai ni galaw ai. Dai ni gaw manau poi madai nat hpe jaw ai. Dai manau poi gaw dai du magam ngu ai dai ni gaw shanhte awng padang lu ai shani mung "Padang Manau" ngu ai galaw ai. Rai na ndai e ndai hpabaw i shanhte ngwi pyaw hkam kaja ai du maga i dan re shakawn ai manau ni e dai zawn re ni galaw ai. Rai na poi ngu na gaw ndai si mat sai ni hpe e si mat sai ni hpe e shanhte gaw shat jaw nna rem da ai. Si ai hte rau shat jaw nna wo nta ntsa kaw na nta kaw hku jahku tawn dai hku kaw na npu de shat jahkrat jaw jaw rai na dai hku shat jahkrat jaw matan ai i "Maw lo sha u lo" ngu jahkrat jaw jaw di rem da ai dai si mat wa ai wa hpe dai hku si mat wa ai wa a wenyi hpe dai hku rem da ya ai. Rem da nna she shanhte jin ngut ai shari rai jang she dai kaw e poi kaba galaw ai nat jaw nna poi kaba galaw nna she dai kaw e mang pru poi nga dai kaw galaw ai. Galaw nna le nta ndaw kaw mung karoi ngu ai dai jun da nna she dai karoi kaw shawng sa wa ai saw shaga da ai masha ni yawng sa wa ai shaloi dai karoi kaw e mali manga lang bat rai na ka manawt na she nhku de shang wa ai. Shang wa nna she shana rai jang gaw kabung dum ai nga dai nta kaw dai hku gayin nna kabung dum ai. E mang pru poi kabung dum ai nga mang pru poi nga ai um dai sha nga ai. Manau poi nga ai wo ra mang pru poi nga ai i dai hkungran poi nga ai dai myu masum dai gaw jin ngut jang she galaw ai le i shi na nhtoi aten gaw masat da ai gaw nnga ai. Ma shangai ai shaloi gaw dai shaloi gaw shanhte ndai jahtawng htu ai nga um. Jahtawng htu ma ai ma shangai ai shaloi gaw e daini hpa ma shangai ai nga jang sanit ya nga jang hka pru pru ai da. Hka pru pru ai ngu ai dai pru ai gaw dai shani she dai ma shangai ai jan hka ni mung shin i rai na dai kaw ma jahtawng htu ai ngu gaw ndai um shanam ni nga jahkraw ni udi ni bang nna dai htu nna makai nna ma mying shamying ai hpe ma jahtawng htu ai nga rai nga. Um ma ni hpe dai jahtawng htu. Hpa majaw jahtawng htu ai rai? Hpa majaw jahtawng htu ai ngu gaw ndai nat hpe mying jaw ai. Shanhte gaw shanhte jaw da ai nat nga ai. Htaw nta nhku de ma tawn da ai shanhte a nat-sin nat ra ngu ai le i ndai nat ra tawn da ai. Le ndaw de ma nat hkungri ni nga ai shanhte gaw nawng e nat hpe rem da ai le. Re majaw ma shangai tim dai nat hpe e jaw ra ai. Jaw na nat mying gang na jaw na she dai kaw shanhte hkinjawng ngu ai ni nga ai, dumsa ngu ai ni nga ai. E dumsa ni sa dumsa ni mung e dumsa ngu ai ni gaw dai ma hpe ap ai rai nga ai. "Ya ndai ma kadai wa" nga ma mying shamying ai le i. E dai hku moi nat jaw prat hta gaw ma mying shamying ai dai shamying na ap ra ai nat hpe dai hku ap na mying shamying ra ai. E dai hpe shanhte ma jahtawng htu ai nga ma ai nat hpe ap ai. Hpabaw nat nga ai kun? Nat ngu ai gaw nga ai nat gaw nbung ai. Nbung ai ngu gaw hpa majaw nga yang nat ni gaw ndai Jinghpaw ni kaw gaw "Mu nat" ngu ai nga ai. Mu nat ngu ai gaw ndai ya "gung gung gung gung dem" rai i ndai mi hprap kala ai ngu moi gaw ndai ni hpe shangun sha lu ai nat jaw ni mung. Mu nat ngu ai gaw ya ga shadawn a nye kasha rai rai e nye kashu rai rai hkawm sa na lam hpa hpa nga jang mung dai mu nat sharawt na sa ra ai mu nat hpe. Wo majan sa na nga timung dai hku sa ra ai. Ya kaja kaja byin ai nga ai dai nat jaw ai ni dai ni mung. Nkau gaw ndai lapu ni hpa ni shinggyim masha hpe mayu kau sha kau rai jang i dai mu nat ngu ai hpe jaw ai shanhte. Hka jaw nna nat jaw dat jang ndai mu ngu ai gaw ndai mi hprap zawn re rai nga le i kalang ta dai lapu hpe achye nna sat nna garawt shaw da ya ai le i dai hku. Rai yang she mu nat ngu ai nga ai. Dai rai na ndaw de gaw ndai shanhte a Gumgun ngu ai i gumgun nat ngu ai nga ai um dai hku. Gumgun gumhpai ngu ai dai gaw shanhte nawng e kam ai nat hpe gumgun ngu ai rai nga nawng e jaw ai dai. Nat ngu gaw dai hku jaw ai rai malu ai moi gaw. Ya gaw kadai njaw sai le i ya gaw christan prat rai mat sai. Raitim ya nkau mi jaw ai ni naw nga ai le. Sara a shangai ai shara gaw gara kaw rai? Ngai shangai ai shara i? E re tsun dan ya mai na kun? Nga ai le ngai shangai ai shara gaw ngai gaw hkying mi jahku tsa e sumshi sanit ning hta htaw Sumprabum lahta de anhte Hpaugyi Layang kahtawng ngu ai kaw shangai ai. E bum ga de shangai ai, shangai na she ndai layang ga de yu nna she ndai layang ga kaw she jawng bai lung. Galoi yu wa ai kun? Bum ga de na yu wa ai i, bum ga de na gaw layang ga de gaw hka sumshi jahku mali shi ning hta yu wa ai. Dai shara naw nga ai i> Naw nga ai dai shara ni naw nga ai. Ngai shangai ai shara ni moi ngai shadai lup ai le i shara ni nga ai ya naw nga ai. Ya nang de gaw grai na sai gaw hka matsat shi ning daram rai sai gaw ndai layang maga ga ai. Htaw bum ga kaw na lahkawng ning daram rai yang yu wa ai. Ndai Hopin de kalang ta yu wa ai i? E Hopin htaw bum ga kaw na she ndai Monyin de yu wa ai. E Monyin kaw na she Myitkyina de bai wa nga na jawng wa lung na she ya she nang de bai du wa ai. Nang de gaw hkying mi jahku tsa jahku shi lahkawng ni kaw na she nang kaw bai nga ai. Moi na Hoyin hte ya na Hopin gara hku shai ai kun? Moi gaw ndai Hopin mung shai ai le moi gaw masha nlaw ai gaw. Htinggaw kade daram nga ai rai? Moi gaw nang kaw gaw htinggaw shi hkun dai ram sha nga ai rai nga. Um dai kaw na gau ngwi gau ngwi e law wa ai. Ya ndai kaw masha law wa ai ngu gaw hkying mi e shaning sanit shi ning daram sha naw re. Moi de gaw sanit shi e wo ra maga de gaw masha nau nlaw shi ai. Shawng nga ai masha ni gaw hpabaw amyu kun i? Ngai i? Shawng de nga ai ni i nang kaw i? Nang kaw gaw shawng de nga ai gaw ndai Sam ni law law nga ai. Jinghpaw ni ma nga ai Jinghpaw ni gaw ndai e Jinghpaw ni gaw ndai Hopin wo ra bum ntsa de nga ai. Ndai wo ra bum de dai ni gaw Jinghpaw wo ra bum ni dai bum ntsa de Jinghpaw ni nga ai. Dai Jinghpaw ni gaw up hkang ai ndai Sam ni hpe. Ndai kaw na Sam ni gaw Jinghpaw ni hpe shanhte e wa shagrau sha a ra ai. Hpa hte shagrau ai? Hpa hpa lu timmung shada da makyit mahkai jaw hkat ai le. E shanhte gaw Jinghapw ni gaw dai kaw du nga na nga ai hku rai nga. Shanhte rai jang gaw shanhte hpa lu ai raitim dai du ni hpe wa jaw sha ai le. Du ni mahtang gaw hpabaw jaw ai kun? Jinghpaw du ni Sam hpe jaw ai i? Jinghpaw du ni gaw shanhte hte kanawn mazum shanhte hte shanhte ra ai dai bum ga na arung arai hpa ra jang gaw jaw sha ai le i ndai Sam ni mung shanhte nai mam lu tim wa jaw sha, e shan ni hpa ni lu tim wa jaw sha dai hku re. Dai hku rai nga nang kaw gaw Sam ni hte Jinghpaw ni law malawng nga ai. Sam hte Jinghpaw hpabaw ga shaga hkat ai kun? Sam shanhte gaw Sam ni gaw Jinghpaw ga chye ai law ai um Jinghpaw ni gaw Sam ga nau nchye ai shanhte gaw Jinghpaw ga hkrai hkrai shaga ai. Sam ni mahtang Jinghpaw ga wa shaga ai e dan re law ai. Ya chyawm gaw Myen ga hkrai shaga mat ai le i. Ya gaw Sam ni mung nkau mi gaw Sam nga tim Sam ga n-ga mat ai Myen ga sha ga mat ai. Ndai Myen ni galoi law wa ai kun? Myen ni Hopin kaw gaw Myen ni gaw ya shaning hkun jan ram she rai na re. Hkun ning a wo ra maga de gaw nnga ai Myen ni nau nnga ai. Ya shaning hkun ning a ndai maga de gaw Myen ni le lawu ga de na lung wa ai ni nang kaw bungli wa galaw sha ai ni le i nang kaw wa nga nan mat ai le um dan re ni nga ai. Miwa ni gaw nnga ai i? Miwa ni gaw Miwa ni mung grai wa nnga ai ya chyawm me gaw loimi nga wa ai moi de gaw nau nnga ai. Ya de gaw nga ai Miwa ni mung shaning sumshi daram gaw rai na masai nang de nga wa ai law wa ai. Hpa majaw htawt wa ai kun? Shanhte gaw hpaga rai nga ai. Nang de gaw galaw lu galaw sha htuk ai gaw um dai majaw. Shanhte gaw ndai Miwa ga e ndai Maw Sidone prat hta gaw htaw kaw nga yang gaw grai shangun grai rit kawp grai nga ai majaw she ndang hkam ai ni nang Myen mung de hprawng shang bang wa ai le. Um hkying mi jahku tsa e law malawng gaw hkying mi jahku tsa e manga shi matsat ning manga shi sanit ning ndai maga de gaw Miwa ni grau ndai Myen mung de e grau shang wa ai. Ndai Sam kaw du nnga ai i Jinghpaw kaw sha du nga ai i? E Jinghpaw du ni mung nga ai bai ndai daw de gaw Sam ni mung moi daw de nga ai ndai. Moi de gaw ndai "Zalone hkaw hkam" nga e ndai Zalone min nga ai e dai ni mung nga lai wa ai. Raitim shanhte gaw dai myen ni hte ashe jang gaw bai mat mat ai le. Jinghpaw ni gaw mi kaw na bum de re nga yang mi kaw na ding yang nga ai. Um dai hku re. Ndai pa layang de gaw du ni nau nnga ai i? E ya gaw pa layang de gaw nau nnga sai bum de she law malawng rai nga. Chyeju kaba sai. . Language as given: Jinghpaw

Format: Digitised: no Media: Audio

Identifier: KK2-0137

Identifier (URI): http://catalog.paradisec.org.au/repository/KK2/0137

Language: Kachin

Language (ISO639): kac

Rights: Open (subject to agreeing to PDSC access conditions)

Subject: Kachin language

Subject (ISO639): kac

Subject (OLAC): language_documentation

text_and_corpus_linguistics

Table Of Contents (URI): http://catalog.paradisec.org.au/repository/KK2/0137/KK2-0137-A.wav

http://catalog.paradisec.org.au/repository/KK2/0137/KK2-0137-A.mp3

http://catalog.paradisec.org.au/repository/KK2/0137/KK2-0137-A.eaf

Type (DCMI): Sound

Type (OLAC): primary_text

OLAC Info

Archive: Pacific And Regional Archive for Digital Sources in Endangered Cultures (PARADISEC)

Description: http://www.language-archives.org/archive/paradisec.org.au

GetRecord: OAI-PMH request for OLAC format

GetRecord: Pre-generated XML file

OAI Info

OaiIdentifier: oai:paradisec.org.au:KK2-0137

DateStamp: 2021-09-02

GetRecord: OAI-PMH request for simple DC format

Search Info
Citation: Keita Kurabe (compiler); Keita Kurabe (depositor); Hpau Gyi Naw (speaker). 2019. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata
Country: Myanmar
Area: Asia

http://www.language-archives.org/item.php/oai:paradisec.org.au:KK2-0137
Up-to-date as of: Fri Sep 29 2:25:16 EDT 2023

Metadata
Title:		Bum nga sat nga sa (Life in the mountain)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Hpau Gyi Naw (speaker), 2019. Bum nga sat nga sa (Life in the mountain). X-WAV/MPEG/XML. KK2-0137 at catalog.paradisec.org.au. https://dx.doi.org/10.26278/5fa2c780d700f
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Hpau Gyi Naw
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-12-28
Date Created (W3CDTF):		2019-12-28
Description:		Transcription (La Ring) Rai yang gaw ya gaw dai hku ya nai mam hpun kawa hte seng nna mung dai ram nga jang gaw ji dwi ashe sai le. Rai yang gaw ya anhte Jinghpaw amyu ni e nga sat nga sa lam i dai kaw na loimi tsun dan na le. Anhte Jinghpaw ni gaw Jinghpaw ngu ai gaw htaw nkau mi tsun yang gaw jum hpaw ai shara kaw nga nna nga ai. Nre ai anhte Jinghpaw ngu gaw hpa majaw nga jang jum ngu ai gaw shum ai i jum ngu gaw shum ai. Shum ai re majaw gaw anhte Jinghpaw ni gaw grai shara shagu kaw myit su ai myit gawp ai gara nau ra nrawng ai lam nga ai. E jum zawn shum ai le i dai re ai majaw dai jum hpaw ai shara kaw na zawn anhte Jinghpaw ni gaw dai hku nga mayat maya hkrat wa ai. Dai majaw Jinghpaw ngu ai re nga ma ai. Raitim mung ndai Jinghpaw ngu ai gaw Wunpawng Jinghpaw ya gaw Wunpawng Jinghpaw nga ai ya. Anhte jum zawn zawn yawng grai yawng kadai kaw mung shum ai yawng pyaw ai yawng kadai hte mung mai kanawn ai. Kaning re ai wa hte mung mai kanawn ai dai majaw anhte gaw jum zawn shum ai amyu ni jum zawn hpraw ai amyu ni re majaw Jinghpaw ngu nna tsun ai re ai lachyum gaw madung gaw dai hku re ai. Anhte Jinghpaw nga ai ya she "Jing Hpaw" bai nga dai gaw Myen ni laika ka ai hta hkan nna Jing Hpaw bai nga wa ai re. Kaja nga yang hkrak nga yang gaw Jinghpaw re anhte Jinghpaw amyu ni. Anhte Jinghpaw amyu ni gaw htaw bum chyaring chyarang ga hkan e nga chye ai layang ga de nau nnga ai anhte Jinghpaw ni gaw. Bum tsaw ai shara de nga ai nta dum nta gap tim anhte gaw ya she taik-pu nga ai gap nga ai layang ga du yang she moi anhte Jinghpaw ni gaw bum ga nga ai Jinghpaw ni gaw nta ma tsaw tsaw gap ai. Nga shara mung bum tsaw tsaw re de nga ai rai na nga sat nga sa mung tsaw ai. Myit masin mung madang tsaw tsaw e dai hku nga ai amyu ni re ai da. Mi kaw nna dai hku yu hkrat wa ai amyu ni re. Bum ntsa de hpabaw hkailu hkaisha galaw ai kun? E anhte Jinghpaw ni hkailu hkaisha ai gaw bum ga de rai yang gaw ndai shagyi ya ngu ai ni nga ai Myen ni e gaw lu-sat nga ai le i. E hkainu n-gawng dai pyaung-hpu nga ai le i dai ni hkai sha ai. Rai yang htaw bum ga hkan e gaw ndai e ndai shi na shi hkrai tu ai mi kaw na tu ai hpun kawa ni kaw na hpun si dai ni hkai sha ai, nai ni hkai sha ai. Nai mung amyu myu nga ai nai hpaw law nai tung law nga amyu myu dan re ni hkailu hkai sha na e hkainu ni hkai sha ai mam ni hkai sha ai e shagyi ya ni hkai sha rai na dai hku e dai ni hkai yi hkyen, yi hkyen na dai kaw shagyi ya ni hkai rai na sha ai e dai zawn rai galaw sha ai. Amyu myu galaw sha ai ndai wulai nga ai wulai hpun hkan e wulai ni nu sha ai um e sumbwi nga ai ni nga ai. E sumbwi ni mung krau sha ai anhte Jinghpaw ni gaw dai hku rai na nga lai wa ai rai nga. Mi moi de gaw anhte ya na zawn rai na ndai wan hkret ni mung ya na zawn rai nnga ai. Anhte htaw Jinghpaw bum ga de gaw dai wulai hpun kaw wulai nba ngu ai mu zawn san ai i ndai ngu ai nga ai nba ngu ai nga ai. Dai nba kaw wulai nba dai hpe la, la nna she hpri hkyep hte nlung hkyep hpe dai hku "Hkret hkret chyet chyet" di nna rai jang wan tu pru wa ai le. E dai wan pru wa ai dai hpe she wulai nba kaw hte rau yep di na ahkret jang dai kaw wan kap ai wulai nba kaw. E dai hpe ning ning ning di na nbung lawt daw galaw jang shi hkrai wan pru wa ai i. Wan pru wa ai dai shaloi wut ai. Rai na kawa tawng shada dai hku i kanyet nna wan pru wa ai e wan pru wa rai jang dai hpe wan dai hku wut la rai na nga wa ai nnan daw de gaw. Moi gaw wan hkret ngu ai nnga ai le um wan gaw dai hku shatu la. Shatu nna dai kaw nlung di galaw ai. Dai nlung di kaw shadu sha ai anhte Jinghpaw ni gaw e nlung di kaw shadu sha ai dai hku. Hpabaw shat mai ni shadu sha ai rai? E si shat mai yawng dai kaw nra ni hpa ni mung shan ni mung dai kaw shapyaw sha ai dai nlung di dai kaw e dai nlung hte galaw da ai di kaw. Um dai hku shadu sha ai. Bum ga kaw hpabaw dusat ni rem ai kun? Bum ga de gaw dusat gaw u rem ai wa rem ai rai na bainam rem ai. Rai na nga wuloi rem ai dumsu gaw nau nrem ai law malawng nga wuloi rem ai. Um dai hku rem lu rem sha ai u rem sha ai wa rem sha ai bainam rem ai um dai hku rem sha ai. Bum ga na nta gaw gara hku gap ai kun? Bum ga na nta gaw galu nga di na gap ai. Galu de pe kade ram rai na i nga yang pe lahkawng tsa jan pe masum tsa daram nga ai. Wan dap shi daram nga ai um wan dap nta gaw galu di na gap ai kaw dai kaw wan dap pyi naw shi nga ai. Shat shadu sha ai le i kahpu kanau yawng gaw dai nta langai kaw sha nga ai. Marai kade nga ai? Kahpu kanau ngu ai gaw yawng kade nga yang kade rai nga i. Ma Gam Ma Naw Ma La Ma Tu Ma Tang yawng um dai ni yawng dai nta kaw sha nga ai. Galu nga rai shadaw ngu ai gaw dawhpum ngu ai ndai hku bat yang lahkawng bat pyi n-ga ai i bat masum mali daram re. Lung-pat (nda de dam de) kade ram nga na i nga yang um dawhpum ngu ai gaw nta shadaw dawhpum ngu ai gaw lung-pat pe shi pe shi lahkawng daram nga ai. E dai hpe she ndai kawa hte rit la ai sumri hte dai hku daleik-done hte sharawt la nna gap ai. Dai shadaw dawhpum kaba dai kaw hput di jun nna dai htawra de gaw gau ngwi ngwi yat yat sha htaw nbang ngu ai de gaw kaji mat wa, ndai npan shadaw gaw dai dawhpum ngu ai dai hku gaw grai kaba ai. Dai kaw na gaw gau ngwi kaji kaji kaji di na du mat wa htaw pe lahkawng tsa masum tsa galu ai. Nang npan ngu ai kaw na yu dat yang htaw nbang chyinghka ngu ai mu yang kade ram wa lahkawng pren ram sha mu ai. Dan na e dan re kaw nga lai wa ai yawng dai hku gap ai. Nau nlu ai ni gaw dawhpum nau nkaba ai le i lu jin ngut ai ni gaw dawhpum kaba ba ngan re shadaw kaba ba dan rai na gap ai. Nta gap ndai shata kade na ai? Nta gap na matu gaw myit grai hkrum ai Jinghpaw ni gaw. Hpa majaw nga jang "Ngau sha kran da u" nga. Ngau kran da jang gaw lam makau kaw ngau sha hkra hkra di da jang gaw kadai mung kadai mung mare masha kadai mung kadai mung Ngai nta gap na nga jang ngai ngau sha kran da jang yawng jawm nna hpai wa ya ai. Hpai wa nna nta gap na shara kaw rung rung rung rung kadai gap tim dai hku jawm karum ai. Jawm karum nna gap la ai dai hku na bai yawng jawm gap ai. Ga saw ai nga le nta gap ga saw ai nga ga saw nna gap la ai. Kaba nga di na gap la ai nang gap na nga jang mung ngai mung dai hku sa dai hku karum na gap la ai. Nta gap karum ai masha ni hpe jaw sha ai i? Gap ai masha i e shat sha daw ai yawng "E daini gaw nye nta gap ga law" nga jang yawng mare masha yawng sa ai. Yawng nsa nna she dai kaw yawng lani mi raitim ngut ai e nta grai kaba dap shi nta nga yang me chyawm gaw lahkawng ya masum ya i dai hku gap. Na nta gap tim dai hku karum nye nta gap tim dai hku. Dai re majaw nta gap shabrai gaw njaw ra ai. Um shat sha jaw sha dat ai dai galaw ai shani i shat jaw sha ai. Lani mi sha i? Um lani mi nang gap yang mung dai hte maren yawng sa karum wo kadai gap tim yawng sa karum ai dai kaw. Hpun kawa mung dai lam kaw makau kaw sha kran tawn jang yawng hpai wa ya ai. Nang ngai yawng gara de na wa tim "E ndai wa a nta shadaw rai nga" ngu na hpai wa ya ai. Shi nta gap na shara kaw "Rung" nga kabai da ya "E ngai hpai wa ya ai re yaw" nga. Dai hku nta ngau ni hpai na matu "Ku Li" nsaw ra ai le dai hku galaw ai. Myit hkrum mang rum ai ngu gaw dai kaw re. Bum ga kaw hpabaw poi ni galaw ai rai? Poi ngu gaw moi Jinghpaw ni gaw nau nnga ai. Nat jaw poi ngu ai mi nga ai nat jaw poi ngu gaw nat hpe jaw ai le i dumsu nga sat jaw ai nat hpe hkungga nawng ai le. E nat jaw poi ngu ai ma nga ai rai na she ndai num wawn num la ai hkungran poi ngu baw rai nga ya na hku nga jang gaw moi na ni gaw num la ai nbang shalai ai poi nga i dai. Shalai wa ai poi ngu ai dai nga ai. Shalai wa ai poi ngu gaw la nnan wa a nta kaw kumbang hte kumbang jun da ai. Kumbang jun nna she dai kaw dai kumbang ka-ang kaw she ndai hpun pyen hpun tawng langai tawn ai. Dai tawn nna she dai kaw nna she wo mayu nta kaw na woi wa na dama nta de dai nat jaw na le i dai kumbang kaw ga lai wa nna she nta de shang wa ai. Dai gaw kumbang shalai ai nga ai. Um dai hku ga shalai ai. Dai gaw nat jaw ai re majaw nat hpe shanhte madun ai. Ya anhte hkristan prat kaw rai yang gaw Karai Kasang kaw kyu hpyi ga shaka la ai hpa rai nga le. Nat kaw dai hku jaw ra ai nat hpe jaw nna nat jaw na dai kumbang lai nna dai hku lai ra ai. Manau poi mung galaw ai i? Manau poi ngu ai gaw manau poi ngu ai mung nga ai. Dai ni gaw mayu maya masha ni nau ngalaw ai. Loimi du magam re ai ni e dai ni galaw ai. Dai ni gaw manau poi madai nat hpe jaw ai. Dai manau poi gaw dai du magam ngu ai dai ni gaw shanhte awng padang lu ai shani mung "Padang Manau" ngu ai galaw ai. Rai na ndai e ndai hpabaw i shanhte ngwi pyaw hkam kaja ai du maga i dan re shakawn ai manau ni e dai zawn re ni galaw ai. Rai na poi ngu na gaw ndai si mat sai ni hpe e si mat sai ni hpe e shanhte gaw shat jaw nna rem da ai. Si ai hte rau shat jaw nna wo nta ntsa kaw na nta kaw hku jahku tawn dai hku kaw na npu de shat jahkrat jaw jaw rai na dai hku shat jahkrat jaw matan ai i "Maw lo sha u lo" ngu jahkrat jaw jaw di rem da ai dai si mat wa ai wa hpe dai hku si mat wa ai wa a wenyi hpe dai hku rem da ya ai. Rem da nna she shanhte jin ngut ai shari rai jang she dai kaw e poi kaba galaw ai nat jaw nna poi kaba galaw nna she dai kaw e mang pru poi nga dai kaw galaw ai. Galaw nna le nta ndaw kaw mung karoi ngu ai dai jun da nna she dai karoi kaw shawng sa wa ai saw shaga da ai masha ni yawng sa wa ai shaloi dai karoi kaw e mali manga lang bat rai na ka manawt na she nhku de shang wa ai. Shang wa nna she shana rai jang gaw kabung dum ai nga dai nta kaw dai hku gayin nna kabung dum ai. E mang pru poi kabung dum ai nga mang pru poi nga ai um dai sha nga ai. Manau poi nga ai wo ra mang pru poi nga ai i dai hkungran poi nga ai dai myu masum dai gaw jin ngut jang she galaw ai le i shi na nhtoi aten gaw masat da ai gaw nnga ai. Ma shangai ai shaloi gaw dai shaloi gaw shanhte ndai jahtawng htu ai nga um. Jahtawng htu ma ai ma shangai ai shaloi gaw e daini hpa ma shangai ai nga jang sanit ya nga jang hka pru pru ai da. Hka pru pru ai ngu ai dai pru ai gaw dai shani she dai ma shangai ai jan hka ni mung shin i rai na dai kaw ma jahtawng htu ai ngu gaw ndai um shanam ni nga jahkraw ni udi ni bang nna dai htu nna makai nna ma mying shamying ai hpe ma jahtawng htu ai nga rai nga. Um ma ni hpe dai jahtawng htu. Hpa majaw jahtawng htu ai rai? Hpa majaw jahtawng htu ai ngu gaw ndai nat hpe mying jaw ai. Shanhte gaw shanhte jaw da ai nat nga ai. Htaw nta nhku de ma tawn da ai shanhte a nat-sin nat ra ngu ai le i ndai nat ra tawn da ai. Le ndaw de ma nat hkungri ni nga ai shanhte gaw nawng e nat hpe rem da ai le. Re majaw ma shangai tim dai nat hpe e jaw ra ai. Jaw na nat mying gang na jaw na she dai kaw shanhte hkinjawng ngu ai ni nga ai, dumsa ngu ai ni nga ai. E dumsa ni sa dumsa ni mung e dumsa ngu ai ni gaw dai ma hpe ap ai rai nga ai. "Ya ndai ma kadai wa" nga ma mying shamying ai le i. E dai hku moi nat jaw prat hta gaw ma mying shamying ai dai shamying na ap ra ai nat hpe dai hku ap na mying shamying ra ai. E dai hpe shanhte ma jahtawng htu ai nga ma ai nat hpe ap ai. Hpabaw nat nga ai kun? Nat ngu ai gaw nga ai nat gaw nbung ai. Nbung ai ngu gaw hpa majaw nga yang nat ni gaw ndai Jinghpaw ni kaw gaw "Mu nat" ngu ai nga ai. Mu nat ngu ai gaw ndai ya "gung gung gung gung dem" rai i ndai mi hprap kala ai ngu moi gaw ndai ni hpe shangun sha lu ai nat jaw ni mung. Mu nat ngu ai gaw ya ga shadawn a nye kasha rai rai e nye kashu rai rai hkawm sa na lam hpa hpa nga jang mung dai mu nat sharawt na sa ra ai mu nat hpe. Wo majan sa na nga timung dai hku sa ra ai. Ya kaja kaja byin ai nga ai dai nat jaw ai ni dai ni mung. Nkau gaw ndai lapu ni hpa ni shinggyim masha hpe mayu kau sha kau rai jang i dai mu nat ngu ai hpe jaw ai shanhte. Hka jaw nna nat jaw dat jang ndai mu ngu ai gaw ndai mi hprap zawn re rai nga le i kalang ta dai lapu hpe achye nna sat nna garawt shaw da ya ai le i dai hku. Rai yang she mu nat ngu ai nga ai. Dai rai na ndaw de gaw ndai shanhte a Gumgun ngu ai i gumgun nat ngu ai nga ai um dai hku. Gumgun gumhpai ngu ai dai gaw shanhte nawng e kam ai nat hpe gumgun ngu ai rai nga nawng e jaw ai dai. Nat ngu gaw dai hku jaw ai rai malu ai moi gaw. Ya gaw kadai njaw sai le i ya gaw christan prat rai mat sai. Raitim ya nkau mi jaw ai ni naw nga ai le. Sara a shangai ai shara gaw gara kaw rai? Ngai shangai ai shara i? E re tsun dan ya mai na kun? Nga ai le ngai shangai ai shara gaw ngai gaw hkying mi jahku tsa e sumshi sanit ning hta htaw Sumprabum lahta de anhte Hpaugyi Layang kahtawng ngu ai kaw shangai ai. E bum ga de shangai ai, shangai na she ndai layang ga de yu nna she ndai layang ga kaw she jawng bai lung. Galoi yu wa ai kun? Bum ga de na yu wa ai i, bum ga de na gaw layang ga de gaw hka sumshi jahku mali shi ning hta yu wa ai. Dai shara naw nga ai i> Naw nga ai dai shara ni naw nga ai. Ngai shangai ai shara ni moi ngai shadai lup ai le i shara ni nga ai ya naw nga ai. Ya nang de gaw grai na sai gaw hka matsat shi ning daram rai sai gaw ndai layang maga ga ai. Htaw bum ga kaw na lahkawng ning daram rai yang yu wa ai. Ndai Hopin de kalang ta yu wa ai i? E Hopin htaw bum ga kaw na she ndai Monyin de yu wa ai. E Monyin kaw na she Myitkyina de bai wa nga na jawng wa lung na she ya she nang de bai du wa ai. Nang de gaw hkying mi jahku tsa jahku shi lahkawng ni kaw na she nang kaw bai nga ai. Moi na Hoyin hte ya na Hopin gara hku shai ai kun? Moi gaw ndai Hopin mung shai ai le moi gaw masha nlaw ai gaw. Htinggaw kade daram nga ai rai? Moi gaw nang kaw gaw htinggaw shi hkun dai ram sha nga ai rai nga. Um dai kaw na gau ngwi gau ngwi e law wa ai. Ya ndai kaw masha law wa ai ngu gaw hkying mi e shaning sanit shi ning daram sha naw re. Moi de gaw sanit shi e wo ra maga de gaw masha nau nlaw shi ai. Shawng nga ai masha ni gaw hpabaw amyu kun i? Ngai i? Shawng de nga ai ni i nang kaw i? Nang kaw gaw shawng de nga ai gaw ndai Sam ni law law nga ai. Jinghpaw ni ma nga ai Jinghpaw ni gaw ndai e Jinghpaw ni gaw ndai Hopin wo ra bum ntsa de nga ai. Ndai wo ra bum de dai ni gaw Jinghpaw wo ra bum ni dai bum ntsa de Jinghpaw ni nga ai. Dai Jinghpaw ni gaw up hkang ai ndai Sam ni hpe. Ndai kaw na Sam ni gaw Jinghpaw ni hpe shanhte e wa shagrau sha a ra ai. Hpa hte shagrau ai? Hpa hpa lu timmung shada da makyit mahkai jaw hkat ai le. E shanhte gaw Jinghapw ni gaw dai kaw du nga na nga ai hku rai nga. Shanhte rai jang gaw shanhte hpa lu ai raitim dai du ni hpe wa jaw sha ai le. Du ni mahtang gaw hpabaw jaw ai kun? Jinghpaw du ni Sam hpe jaw ai i? Jinghpaw du ni gaw shanhte hte kanawn mazum shanhte hte shanhte ra ai dai bum ga na arung arai hpa ra jang gaw jaw sha ai le i ndai Sam ni mung shanhte nai mam lu tim wa jaw sha, e shan ni hpa ni lu tim wa jaw sha dai hku re. Dai hku rai nga nang kaw gaw Sam ni hte Jinghpaw ni law malawng nga ai. Sam hte Jinghpaw hpabaw ga shaga hkat ai kun? Sam shanhte gaw Sam ni gaw Jinghpaw ga chye ai law ai um Jinghpaw ni gaw Sam ga nau nchye ai shanhte gaw Jinghpaw ga hkrai hkrai shaga ai. Sam ni mahtang Jinghpaw ga wa shaga ai e dan re law ai. Ya chyawm gaw Myen ga hkrai shaga mat ai le i. Ya gaw Sam ni mung nkau mi gaw Sam nga tim Sam ga n-ga mat ai Myen ga sha ga mat ai. Ndai Myen ni galoi law wa ai kun? Myen ni Hopin kaw gaw Myen ni gaw ya shaning hkun jan ram she rai na re. Hkun ning a wo ra maga de gaw nnga ai Myen ni nau nnga ai. Ya shaning hkun ning a ndai maga de gaw Myen ni le lawu ga de na lung wa ai ni nang kaw bungli wa galaw sha ai ni le i nang kaw wa nga nan mat ai le um dan re ni nga ai. Miwa ni gaw nnga ai i? Miwa ni gaw Miwa ni mung grai wa nnga ai ya chyawm me gaw loimi nga wa ai moi de gaw nau nnga ai. Ya de gaw nga ai Miwa ni mung shaning sumshi daram gaw rai na masai nang de nga wa ai law wa ai. Hpa majaw htawt wa ai kun? Shanhte gaw hpaga rai nga ai. Nang de gaw galaw lu galaw sha htuk ai gaw um dai majaw. Shanhte gaw ndai Miwa ga e ndai Maw Sidone prat hta gaw htaw kaw nga yang gaw grai shangun grai rit kawp grai nga ai majaw she ndang hkam ai ni nang Myen mung de hprawng shang bang wa ai le. Um hkying mi jahku tsa e law malawng gaw hkying mi jahku tsa e manga shi matsat ning manga shi sanit ning ndai maga de gaw Miwa ni grau ndai Myen mung de e grau shang wa ai. Ndai Sam kaw du nnga ai i Jinghpaw kaw sha du nga ai i? E Jinghpaw du ni mung nga ai bai ndai daw de gaw Sam ni mung moi daw de nga ai ndai. Moi de gaw ndai "Zalone hkaw hkam" nga e ndai Zalone min nga ai e dai ni mung nga lai wa ai. Raitim shanhte gaw dai myen ni hte ashe jang gaw bai mat mat ai le. Jinghpaw ni gaw mi kaw na bum de re nga yang mi kaw na ding yang nga ai. Um dai hku re. Ndai pa layang de gaw du ni nau nnga ai i? E ya gaw pa layang de gaw nau nnga sai bum de she law malawng rai nga. Chyeju kaba sai. . Language as given: Jinghpaw
Format:		Digitised: no Media: Audio
Identifier:		KK2-0137
Identifier (URI):		http://catalog.paradisec.org.au/repository/KK2/0137
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
Subject (OLAC):		text_and_corpus_linguistics
Table Of Contents (URI):		http://catalog.paradisec.org.au/repository/KK2/0137/KK2-0137-A.wav
		http://catalog.paradisec.org.au/repository/KK2/0137/KK2-0137-A.mp3
		http://catalog.paradisec.org.au/repository/KK2/0137/KK2-0137-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0137
DateStamp:		2021-09-02
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Hpau Gyi Naw (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia